ДӯҒ

ДӯҒ, ҷурғотест, ки равғанаш дар гуппӣ ҷудо карда шудааст. Д.-ро дар фасли гарми сол чун нӯшокии ташнашикан ва хӯриши таомҳои дигар истеъмол менамоянд. Аз Д. чакка ва қурут месозанд. Д. 91% об, 0,05 – 0,1% равған, 3 – 3,5% сафеда, 4 – 5% қанди шир (малтоза), 8 – 9% моддаҳои хушк, 0,7% моддаҳои минералӣ, ферменту витаминҳо дорад.
Агар Д.-ро бинӯшанд, ҷӯшиш ва фишори баланди хунро паст мегардонад, боҳи одамони гарммизоҷро ба ҳаракат меоварад, иштиҳоро мекушояд, баданро фарбеҳ мекунад; тафси меъда ва ҷигарро, ки сабабаш гармӣ бошад, басанда мегардонад, ташнагиро таскин медиҳад.