Ҷамъият

Меъроҷиддини Камол менависад: Рони пои одамӣ бинӣ ба хоб. Дон нишони вохӯрӣ бо дӯстон. Гар бубинӣ рони по бори дигар, Шарҳи он мол асту сайри бӯстон.

Меъроҷиддини Камол менависад: Ба хобат бинӣ чизе рӯи об аст. Варо аз об бигрифтан савоб аст. Шавад олим хамон, ки диду бигрифт, Чунин таъбир аз рӯи китоб аст.

Меъроҷиддини Камол менависад: Ба хоби нози худ гар бинӣ раҳгум. Ҷавобаш иштибоҳе байни мардум.

Меъроҷиддини Камол менависад: Равшанӣ чун рамз аз покӣ бувад, Чун нишони меҳри афлокӣ бувад. Одаме дар хоб бинад равшанӣ, Ин нишон аз ақлу идроке бувад.

Меъроҷиддини Камол менависад: Хӯрдани руда ба хоби одамон Аз нишоти зиндагӣ бошад нишон. Чун бубинӣ рӯда ояд аз даҳон, Шарҳи он марге бувад дар хонадон.

Меъроҷиддини Камол менависад: Чун бинӣ ба хоби ноз, ҷонам, рӯбоҳ. Аз ваъдаи ваъдабоз гардӣ гумроҳ.

Меъроҷиддини Камол менависад: Рақс хар қадре агар зебо бувад, 3-он суруру шодӣ дар дилҳо бувад. Мард гар дар хоби шаб рақсе бидид, Аз балои ногаҳон хоҳад раҳид. Гар зане дар хоби худ бинад варо, Нохушие интизораш ҳар куҷо.

Меъроҷиддини Камол менависад: Дар хоби шабона рафтуомад дидан, Ё меваи боғи дигаронро чидан, Таъбир бувад иллате аз нодонӣ, Дар ҷодаи зиндагонӣ саргардонӣ.

Меъроҷиддини Камол менависад: Ризвон, ки хушнудӣ будӣ, Дар зиндагии одамон. 3-ин ҷост хонандаш биҳишт, Чун махзани озодагон. Ризвон касе бинад ба хоб, Бошад зи хурсандӣ нишон.

Меъроҷиддини Камол менависад: Дар хоб бинӣ растахез. Ҳам мардумони ашкрез. Таъбир, бахти рӯшан аст, Бо зиндагин шаҳдрез.