БРОНХОГРАФИЯ

БРОНХОГРАФИЯ (аз бронхҳо ва юн. grapho – навиштан, тасвир кардан), усули тадқиқи рентгенологии бронхҳо баъди ба сӯрохи онҳо фиристодани моддаҳои рентгеноконтрастӣ. Ҳангоми Б. аз равғани йоднок (йодолипол) ё моддаҳои махсуси рентгеноконтрастӣ (пропилйодон) истифода мекунанд. Б. бо мақсади омӯзиши морфология ва фаъолияти бронхҳо, ҳамчунин ошкор сохтани бемориҳои онҳо (мас., бронхоэктазҳо) амалӣ гардонда мешавад.