БРОНХОПНЕВМОНИЯ

БРОНХОПНЕВМОНИЯ (Bronchopneumonia), илтиҳоби манбаии борнхҳо ва ҳиссаҳои шуш; иллат алвеолаҳоро низ фаро мегирад. Б. метавонад зуҳуроти сироятҳои гуногун (грипп, туляремия ва ғ.) ё оризаҳои онҳо низ бошад. Дар мавриди охирӣ Б. зери таъсири сироятҳои ҳамроҳгашта ё бинобар худсироят (аз роҳи болои нафас) пайдо мешавад. Ин гуна Б.-ҳо метавонанд оризаи бемории ғайрисироятӣ, мас., нуқси дил, сактаи дил, омосҳо низ бошанд. Б. ҳамчунин бо роҳи гематогенӣ (аз хун) падид меояд. Ниг. низ Пневмония.