БАТСИЛЛАҲО

БАТСИЛЛАҲО (Bacillus), як гурӯҳи калони бактерияҳои қаламчашакл. Б. тақр. 217 намуд дошта, дар дохили ҳуҷайра спора ҳосил мекунанд. Б. бактерияҳои граммусбат мебошанд (яъне дар мавриди тадқиқ бо усули Грам ранги мусбат пайдо мекунанд). Асосан дар хок сукунат доранд. Баъзе Б. ангезандаи касалиҳои одаму ҳайвонот маҳсуб мешаванд, мас., сӯхтанӣ (В. anthracis), заҳрсироятҳои хӯрокӣ (В. cereus) ва ғ. Б. бактерияҳои аэробӣ буда, дар муҳити оксигендор афзоиш меёбанд.