АСТМА

АСТМА (аз юн. asthma – буғӣ шудан), хуруҷи нафастангӣ. Бинобар танг шудани равзани бронхҳо (ниг. Зиқи нафас) ё чун зуҳуроти иллати дил (ниг. Хафакон), баъзан аз чанд сабаб ба вуҷуд меояд. А. ҳолатест, ки ба он ёрии ниҳоят таъҷилии тиббӣ зарур аст. Ҳангоми хурӯҷи ҳама хелҳои А. пойҳои беморро овезон карда шинондан ва фаровонии ҳавои тозаро таъмин намудан сабукӣ меорад. Доруҳои зидди А.-ро танҳо бо маслиҳати духтур истеъмол бояд кард.