АСПЕРГИЛЛ

АСПЕРГИЛЛ (Aspergillus), як гурӯҳи занбӯруғҳои халтачадор – аскомисетҳо. А.-ҳо асосан ба тавассути конидия, ки спораи афзоиши ғайриҷинсии занбӯруғҳо мебошад, афзоиш мекунанд. Дар хоку деворҳои намнок, хӯрокворӣ ва ғ. инкишоф меёбад. Баъзе намудҳои А. (мас., А. fumigatus, A. glaucus, A. niger ва ғ.) бемориовар мебошанд. Онҳо ангезандаи аспергиллёз, бемориҳои занбӯруғии пӯст ва ғ. маҳсуб мешаванд. Аз A. fumigatus антибиотики фумагиллин истеҳсол менамоянд..