Главная / Илм / АНВАРОВ Айманҷон Ковланҷонович

АНВАРОВ Айманҷон Ковланҷонович

terapevtАНВАРОВ Айманҷон Ковланҷонович (08. 12. 1939, ш. Душанбе – 23. 01. 2002, ҳамон ҷо), терапевт, доктори илмҳои тиб (1998), проф. (2000). Хатмкардаи факултаи муолиҷавии ДДТТ (1965). Духтури терапевти беморхонаи минтақавии хоҷагии ба номи Ленини ноҳ. Ленин (ҳозира Рӯдакӣ; 1965 – 66), ординатори кафедраи беҳдошти иҷтимоӣ ва ташкили тандурустии ДДТТ (1966 – 67), аспиранти кафедраи беҳдошти иҷтимоӣ ва ташкили тандурустии Донишкадаи такмили ихтисоси духтурони ш. Москва (1967 – 70), ассистенти кафедраи беҳдошти иҷтимоӣ ва ташкили тандурустии ДДТТ (1970 – 74), сардухтури Хонаи маорифи санитарии ҷумҳуриявӣ (1974 – 78), сардухтури Беморхонаи клиникии ҷумҳуриявии №3 (1978 – 79), ассистент, дотсент (1979 – 87) ва мудири кафедраи беҳдошти иҷтимоӣ ва ташкили тандурустии ДДТТ (1987 – 2002). Муаллифи зиёда аз 140 асару мақолаҳои илмӣ, аз ҷумла 3 монография ва 30 дастури методист, ки ба масъалаҳои беҳдошти иҷтимоӣ ва ташкили тандурустӣ, менеҷменти молиявӣ бахшида шудаанд. «Барномаи ҷумҳуриявии тадбирҳои аввалини беҳтар сохтани шароит ва ҳифзи меҳнат барои солҳои 1998 – 2000» – ротаҳия кардааст. Зери роҳбарии ӯ 2 наф. рисолаҳои номзадӣ ҳимоя кардаанд. Бо медали «Ветерани меҳнат», «Нишони фахрии Салиби Сурх» ва ифтихорномаҳои соҳавӣ сарфароз гардонда шудааст.
Ос.: Формирование здорового образа жизни населения, Д., 1991; Социально-гигиенический анализ младенческой смертности, Д., 1998; Медико – социальные аспекты планирования семьи в регионе высокой смертности, Д., 1998; Гигиеническая оценка условий труда работниц маятниковых мигрантов легкой промышленности, Д., 1998.

Загрузка...

Дар борамон Anvar

darksider_5@mail.ru

Инчунин кобед

planet

ЗАМИН – САЙЁРАИ СИСТЕМАМ ОФТОБӢ

Сабабҳои тағйирёбии фаслҳои сол. Аз курси табиатшиносӣ мо медонем, ки Офтоб ин маркази системаи офтобии мо …