Главная / Илм / АНТИКОАГУЛЯНТҲО

АНТИКОАГУЛЯНТҲО

antikoagulianthoАНТИКОАГУЛЯНТҲО (Anticoagulantia; аз анти… ва лот. coagulans – лахтабанд), доруҳое, ки сади лахтабандии хун гашта, бо ин роҳ ҳосил шудани судда (тромб)-ро пешгирӣ менамоянд. А. таъсири бевосита ва бавосита доранд. Ба А.-и таъсирашон бевосита гепарин ва гидроситрати натрий, ба А.-и таъсирашон бавосита неодикумарин, синкумар, фенилин, амефин мансубанд.
А.-ҳо аз рӯи баъзе хосиятҳо аз якдигар фарқ доранд. А.-и таъсирашон бевосита мустақиман ба омилҳои лахтабандӣ, ки дар хун гардиш мекунанд, таъсир мерасонанд. Мас., гепарин фаъолияти тромбопластин, тромбин ва ғ.-ро фурӯ менишонад; гидроситрати натрий бошад ионҳои озоди калсийро, ки дар мавриди ҳосил шудани тромбопластин ширкат меварзанд, пайваст менамояд.
А.-и таъсирашон бавосита антагонистҳои витамини К мебошанд (витамини мазкур ҳангоми ҳосил шудани протромбин дар ҷигар иштирок мекунад). Онҳо ба фаъолияти омилҳои лахтабандии хун таъсир намерасонанд.
Табобат бо А.-ро духтур таъин карда, онро зери назорат мегирад. Оризаи хавфноки муолиҷа бо А. хунравиҳои гуногун аст. Дар мавриди рух намудани нишонаҳои хунравӣ муолиҷаро қатъ мекунанд.

Загрузка...

Дар борамон Anvar

darksider_5@mail.ru

Инчунин кобед

Лисейи Хилол

Лисейи “Ҳилол” дар ш. Душанбе

Лисейи ҲИЛОЛ ё худ онро низ гимназия ҳам меноманд, аз солҳои 2000-ум фаъолият намуда талабагонро …