АНОНИХИЯ

АНОНИХИЯ (Anonychosis), анонихоз, дар ангуштон набудани нохун. А. яке аз шаклҳои дистрофияи нохунҳост. Ба дистрофияи нохунҳо мансубанд: атрофияи нохунҳо – ниҳоят тунук шудани нохунҳо; гипертрофияи нохунҳо – ғафс шудани лавҳачаи нохунҳо; макродактилия – калон шудани андозаи ангуштогн ва нохунҳо; микродактилия – хурд шудани андозаи ангуштон ва нохунҳо; зиштии ангуштон ва нохунҳо; онихолизис – тадриҷан ҷудо шудани қабатҳои нохунҳо; койлонихия – табақчашакл шудани нохунҳо; лейконихия – сафед шудани нохунҳо.
А. модарзодӣ ва ғайримодарзодӣ мешавад. А.-и модарзодӣ бо диг. нуқсҳои инкишофи ҷанин ҳамроҳ шуда, хусусияти оилавӣ дорад. Сабаби А.-и ғайримодарзодӣ бемориҳои гуногуни илтиҳобӣ ва тағзиявӣ мебошанд.
А., мисли баъзе иллатҳои дистрофии дигари нохунҳо қариб, ки табобат надоранд.