АНАТОКСИН

АНАТОКСИН (Anatoxinum; аз юн. ana – баръакс ва токсин), ҳосилаи безарари токсин, ки хосияти антигенӣ ва иммуногении онро гум накардааст. А.-ро бо роҳи дар 37 – 40°С бо ёрии формалин безарар гардонидани токсин ҳосил мекунанд. А.-и барои иммунизатсияи одамон зарурро с. 1923 иммунологи франсавӣ Г. Рамон ҳосил кардааст. Барои пешгирии бемориҳои кузоз ва гулӯзиндонак А.-и зидди кузоз ва зидди дифтерияро истифода мебаранд. А.-ҳои стафилококкӣ, ботулизмӣ, дизентериявӣ, зиддизаҳрӣ ва ғ. низ мавҷуданд. А.-ро барои иммунизатсияи аспҳо (бо мақсади аз онҳо гирифтани зардоби муолиҷавии антитоксинӣ) низ кор мефармоянд.