Овардаанд, ки Нўшервони одилро дар шикоргоҳе сайде кабоб карданду намак набуд. Ғуломе ба русто рафт, то намак орад.
Нушервон гуфт:
– Намак ба қимат биситон, то расме нашавад ва деҳ хароб нагардад.
Гуфтанд:
– Аз ин қадар чӣ халал ояд?
Гуфт:
– Бунёди зулм дар ҷаҳон аввал андаке будаст.
Ҳар кас ки омад, бар ў мазиде кард, то бад-ин ғоят расид.
Агар зи боғи раият малик хурад себе,
Бароваранд ғуломони ў дарахт аз бех.
Ба панҷ байза, ки султон ситам раво дорад
Зананд лашкариёнаш ҳазор мурғ ба сих.