Главная / Илм / АФСОНАК

АФСОНАК

222335_b00cf333АФСОНАК (Thermopsis alpina), мастак, мия, навъе аз гиёҳҳои бисёрсола. Аз 10 то 35 см қад мекашад. Пояи рости сермӯяк, барги мураккаби думчадор (баргҳояш дарозрӯя ё байзашакли мӯякдор), гули калони зард, тӯдагули дарозрӯя дорад. Моҳи июн гул карда, тухмаш июл – авг. мепазад.
Дар тибби халқӣ ҷӯшоби баргу пояи А.-ро барои муолиҷаи зуком, бронхит, илтиҳоби шуш ва чун воситаи киҷҷарон тавсия медиҳанд. Гули хушки онро чой карда, ҳангоми сулфаи сахт чун воситаи балғамовар менӯшанд. Миқдори аз меъёр зиёди он организмро заҳролуд ва мағзи сарро фалаҷ мекунад (одам мисли маст мешавад). Дар амалияи тибби муосир ҷӯшоби алафи А.-ро чун воситаи балғамовар истифода мебаранд.
Ад.: Ходжиматов М., Дикорастущие лекарственные растения Таджикистана, Д., 1989.

Загрузка...

Дар борамон Anvar

darksider_5@mail.ru

Инчунин кобед

planet

ЗАМИН – САЙЁРАИ СИСТЕМАМ ОФТОБӢ

Сабабҳои тағйирёбии фаслҳои сол. Аз курси табиатшиносӣ мо медонем, ки Офтоб ин маркази системаи офтобии мо …