КОЛЛАГЕНОЗҲО (Collagenoses), бемориҳое, ки бо иллати бофтаҳои пайвандӣ (нахҳои коллагенӣ) ва рагҳо ба мушоҳида мерасанд. Тарбод, артрити тарбодӣ (ниг. Артрит), бодхӯрда, скелродермия, дерматомиозит, периартериити гиреҳчадор ба К. мансубанд. Сабабҳои пайдоиш ва инкишофи К. пурра маълум нашудааст. Вале аксари мутахассисон чунин мепиндоранд, ки пайдоиши К. натиҷаи ба бофтаҳои организми хеш ҳуҷум …

КОЛЛАПС (Collapsus; ба маънои афтида аст), ҳумуд, ҳубут, ҳолати вазнин ва барои ҳаёт хавфнокест, ки ҳангоми он фишори рагҳои хун якбора паст шуда, фаъолияти системаи асабҳои марказӣ суст ва мубодилаи моддаҳо халал меёбад. Тасаккун (боздорӣ)- и маркази таҳрикдеҳи хунрагҳое, ки дар мағзи сар ҷойгир аст, боиси бо хун пурра таъмин …

КОЛОБОМА (Coloboma; юн. koloboma – қисми намерасида), нуқси модарзодӣ, баъзан ғайримодарзодии ин ё он сохтори чашм (канори пилк, гавҳарак, рагпарда, шабакия, қурси асаби босира, булӯрак). К.-и модарзодӣ бисёр вақт дар инабия ба мушоҳида мерасад. Вай одатан дар зери гавҳарак ҷой мегирад (баъзан ҳар ду чашм осеб меёбад). К.-и инабия метавонад …

КОЛОНОСКОПИЯ, яке аз усулҳои ташхис, ки ҳангоми он духтур ба тавассути зонди махсус ҳолати дохилии рӯдаи ғафсро муоина мекунад.

КОЛПИТ (Colpitis, vaginitis; аз юн. kolpos – маҳбал), вагинит, газаки луобпардаи маҳбал. К. ҳангоми ба маҳбал дохил шудани микроорганизмҳои бемориовар (стрептококкҳо, стафилококкҳо, гонококкҳо, трихомонадаҳо, занбӯруғҳо), дар натиҷаи риоя накардани қоидаҳои гигиенаи шахсӣ (мавриди истифодаи дастмолу сачоқи умумӣ ва ғ.) ва муҷомаат (алоқаи ҷинсии тасодуфӣ), аз ҷисмҳои бегона захмдор шудани маҳбал, …

КОЛПОСКОПИЯ (юн. kolpos – маҳбал ва skopeo – мушоҳида кардан), усули тадқиқи луобпардаи қисми маҳбалии гарданаи бачадон ва маҳбал ба тавассути колпоскоп. Колпоскоп асбоби оптикӣ буда, тасвирро калон нишон медиҳад. Онро баъзан барои тадқиқи эпителияи аъзои таносули берунӣ низ кор мефармоянд. К. имкон медиҳад тағйироти ба чашм ноаёни эпителия ва …

КОМ (Palatum), сарпӯши ҷавфи даҳон. Аз ду қисм – сахт (коми пеш) ва нарм (коми қафо) иборат аст. К.-и сахтро шохаҳои коми ҷоғи боло ва лавҳачаҳои амудии устухонҳои ком ба вуҷуд овардаанд. Луобпардае, ки К.-и сахтро фаро гирифтааст, аз қафо бо К.-и нарм пайваст аст. Канори охири К.-и нарм барҷастагие …

«КОМИЛУ-С-СИНОАТ», асари энсиклопедии Алӣ ибни Аббоси Маҷусии Аҳвозӣ (ваф. с. 994) дар боби тиб ва дорушиносӣ. Китоб масъалаҳои асосии тибби назариявӣ ва амалии қадима, инчунин комёбиҳо ва маҳсули таҷрибаи бои худи Аҳвозиро дарбар мегирад. Нимаи дуюми а. 10 ба забони арабӣ таълиф шудааст. Дар асар тамоми воситаҳои нигаҳдории тандурустӣ ва …

КОМИССИЯИ МАШВАРАТИИ ТИББӣ дар муассисаҳои табобатӣ (беморхонаҳое, ки дармонгоҳ ё амбулатория доранд, дармонгоҳҳо, диспансерҳои махсус ва ғ.) ташкил карда мешавад. Он аз 3 наф. духтур – ҷонишини сардухтур оид ба экпертиза, мудири шӯъба, духтури муолиҷ иборат аст. Фақат КМТ ҳуқуқ дорад, ки мӯҳлати амали варақаи бемориро аз 6 рӯз зиёд …

КОМИССИЯИ ТИББИИ ЭКСПЕРТИЗАИ КОРШОЯМӣ дар назди ташкилоти таъминоти иҷтимоӣ фаъолият мекунад. Аз духтурони эксперт, намояндагони шӯъбаи дахлдори таъминоти иҷтимоӣ ва ташкилоти иттифоқи касаба иборат аст. КТЭК гурӯҳи инвалидиро муқаррар мекунад, сабабҳои доимӣ (бемории умумӣ ё касбӣ, маъюбии меҳнатӣ ва ғ.) ё тӯлонӣ гум кардани қобилияти меҳнат, шароит ва хусусияти меҳнат …